പരിസ്ഥിതി

കേന്ദ്രീകൃത മലിനവസ്തു നിർവീര്യ പ്ലാന്റ്:
കമ്പനിയുടെ പ്ലാന്റിൽനിന്നു വരുന്ന മലിനജലം  ചുണ്ണാമ്പുമായി ചേർത്ത് കേന്ദ്രീകൃത മലിനവസ്തു നിർവീര്യ പ്ലാന്റിൽ നിർവീര്യമാക്കുന്ന രീതിയാണ് കെഎംഎംഎൽ സ്വീകരിച്ചിട്ടുള്ളത്. ഇത്തരത്തിൽ സംസ്‌കരിച്ച  മലിനജലം  കുളത്തിൽ ( സെറ്റിലിംഗ് പോണ്ട്) ശേഖരിക്കുന്നു.  തുടർന്ന് ഈ വെള്ളത്തിലുള്ള ഖരവസ്തുക്കൾ  അടിയാൻ അനുവദിക്കുന്നു. ഇവിടെനിന്ന് കവിഞ്ഞൊഴുകുന്ന വെള്ളം ശേഖരിച്ച് കടലിലേക്കു പമ്പു ചെയ്യുന്നു.

നിർദ്ദിഷ്ട മാനദണ്ഡങ്ങൾ അനുസരിച്ചാണ് സെറ്റിലിംഗ് പോണ്ടുകൾ നിർമിച്ചിട്ടുള്ളത്. കേന്ദ്രീകൃത മലിന സംസ്‌കരണ പ്ലാന്റ് ( ഇടിപി), ആസിഡ് പുനരുത്പാദന പ്ലാന്റ് (എആർപി) എന്നിവയിൽനിന്നുള്ള ഖര മാലിന്യങ്ങൾ ഇത്തരം കുളങ്ങളിൽ ശേഖരിക്കുകയാണ് ചെയ്യുന്നത്.

ഇടിപിയുടെ രണ്ടാം നിര നിർവീര്യ ടാങ്കുകളിലെ വെള്ളത്തിന്റെ പിഎച്ച്  തുടർച്ചയായി അളക്കുന്നതിനു  അത്യാധുനിക  ഉപകരണ സംവിധാനം കമ്പനിക്കുണ്ട്. ഈ സംവിധാനത്തിന്റെ സഹായത്തോടെ ശുദ്ധീകരിച്ച വെള്ളത്തിന്റെ പിഎച്ച് തുടർച്ചയായി നിരീക്ഷിക്കുകയും നിയന്ത്രിക്കുകയും ചെയ്യുന്നു.  പോളീഷിംഗ് കുളത്തിലെ വെള്ളത്തിന്റെ പിഎച്ച് എല്ലാ ദിവസും പരിശോധിക്കുകയും  മലിനീകരണ നിയന്ത്രണ ബോർഡിന് എല്ലാ മാസവും  റിപ്പോർട്ട് നൽകുകയും ചെയ്യുന്നു.

സുരക്ഷിത ലാൻഡ് ഫിൽ നിർമാണം:
മലിന ശുദ്ധീകരണ പ്ലാന്റിൽ  അടിയുന്ന ഖരവസ്തുക്കളും അയൺ ഓക്‌സൈഡും  സൂക്ഷിക്കുന്നതിന് കമ്പനി രണ്ട്  സുരക്ഷിത ലാൻഡ്ഫിൽ ഇടങ്ങൾ നിർമിച്ചുവരികയാണ്. ഓരോന്നിനും 36000 ചതുരശ്രമീറ്റർ വിസ്തീർണമുണ്ട്. കേന്ദ്ര മലിനീകരണ നിയന്ത്രണ ബോർഡിന്റെ മാർഗനിർദ്ദേശങ്ങളനുസരിച്ചാണ് ഇതു നിർമിക്കുന്നത്. ഇവയുടെ നിർമാണം ദ്രുതഗതിയിൽ നടന്നുവരികയാണ്.